كان في مدرس لغة عربيه في مدرستي الابتدائيه
كان اسمه الشيخ حمزه .. حكالي حكايه لسه فاكرها
قالي انه كان مره ماشي ف ميدان باب الحديد
اللي هو رمسيس دلوقتي
واحتمال يبقى مبارك ف المستقبل البعيد بعد الشر يعني
المهم
الشيخ حمزه كان لسه صغير عايش لوحده بعد ما نزل من الريف
إلى العاصمه للدراسه بالأزهر
وكان مفتقد البيض البلدي والحمام والفطير المشلتت
وهو ماشي لقي واحد ريفي ومراته بيندهوله
وحكوله حكايه مفادها انهم كانوا جايين ف زياره لقرايبهم وتاهو وفلوسهم ضاعت
ومعاهم خيرات الريف بتاع زمان
بيض بلدي وكام جوز حمام وفطير مشلتت
وطلبوا منه يوصلهم لقرايبهم ..قام اعتذر
راحوا طالبين
أجرة القطار مقابل كل الحاجات اللي معاهم
وفكر الشيخ حمزة
الأصول والأخلاق الريفيه تخليه يوصلهم لقرايبهم ف مصر
أو على الأقل ما يستغلش احتياجهم ويديهم التمن العادل للحاجات دي
لكن الفرصه والطمع خلته ياخد كل الحاجات
مقابل الأجره البسيطه لتذكرتين درجة تالته ف القطار القشاش
وقالي الشيخ حمزه ان الطمع غلبه
واشترى الحاجه بالتمن البخس
ومشي وهو مبسوط وفاكر نفسه سبع البرومبه
وفجأه لقى الحمام طار بعيد من على وش القفص
مع ان الراجل قاله انه رابط رجليه ف بعض ومش ممكن يطير
قال معلش البيض والفطير كفايه
لما روح لقى البيض كله ممشش
والفطير مافيهوش غير اللي ع الوش
وتحتها عيش بايظ
وعرف انهم شلة نصب
استغلوا استتقاله لعمل الأصول
واستغلوا طمعه ف فرحته باستغلال حاجة الناس
وادوله مقلب طلع من نافوخه
مش عارف ليه افتكرت الشيخ حمزه الله يرحمه وقصته اللي حكاهالنا ف ابتدائي
وانا بفكر ف اللي حصل اليومين اللي فاتوا
وانا بتأمل ف الكف اللي طرقع على قفا الشعب الأهبل
الطماع
اللي فرح بالفتات ونسي المطالب الأصيله ف حقوقه المنهوبه
فرح بالتلاتين ف الميه ومن الأساسي كمان
وبطلنا اضراب ونسينا مطالبنا
وجرينا ع البيت فرحانين وقفلنا الباب بالترباس وقولنا فضل وعدل
كده قشطه أوي وعدت على خير
وهووووووووووووووووووووووب
طرقع القفا
الله يرحمك يا شيخ حمزه
16 تعليقات:
السلام عليكم ورحمة الله وبركاته
اله يرحم الشيخ حمزه ......ويرحمنا
يانهار ابيض يا جدعان
.
.
عندما تمتلك الرؤية العميقة للامور
وكانك تسبح بطائرة من فوق الاشياء يتسني لك رؤية اشياء وتفاصيل اخري لا تبدو ظاهرة للاخرين
.
.
اراهنك انك دائما ما تعاني القلق والاضطراب لذلك
.
.
فما اسهل من ان يعش المرأ إمعه
اذا ذهب القوم ذهبو واذا اقاموا اقام
.
.
ولكن هذه هي ضريبة اصحاب العقول
فليسوا في راحة ابدا
الشيخ حمزة اتعلم
احنا اتعلمنا
ولا .........
ده و إنت الصادق يا دكتور
قفا عــــــــــــــــــــريض
طماع بنى له بيت فلسنجي سكن له فيه
هو ده اللى حصل علشان معندناش مبدأ وطمعنا
وبعدين بطل اتهامات من كنت هنا البوست اللى فات هو انا بقولن لك حاجه ويعدين خد دي كمان نزلى مقال فى جريده الوسط الكويتي هههههههههه
انا اول ما سمعت علاوة كنت عارفه اللى هيجرى لنا لو راجعت بوستاتى هتتاكد
الله يسامحه بقى الشيخ حمزة
قصدى كل اللى شبه الشيخ حمزة
ونيموا الاضراب ونيمو الشعب جنبهم
لما كتبت بوست مفيش فايده
انه الحكومه هتاخد حق العلاوة من دخل القناه وضريبه المبيعات من يجي شهر ونص
دخل البعض اتهمني بالانهزاميه وتكسير مجاديف الناس!!
والمفروض ان الموارد دي لتحسين حياه الناس مش ناخدها منهم بالمين نديهالهم بالشمال وراجع حتي عندي لتفاصيل اكتر
فعلا طول ما الطماع موجود .. النصاب بخير
بس ابقى وطى الصوت شوية لحسن صوت الطرقعة عامل دوشة جامدة اوى مسمعة فى كل العالم تقريبا
:D
اللعبه يادكتور هي عباره عن ان البيه حسني اجتمع مع الحكومه وقالها غرولهم الخابور
والصراحه الناس ما اتوصتش رميتلهم العلاوه الناس وطت تاخدها راح ملبسنلهم الخابور
كله محسوب يا دكتور
دا طرقع طرقعه جامدة
بس على فكرة الشعب لا أهبل و لا طماع
لأنه كان عارف و فاهم أوي
اللي فيها
يالله ,, ربنا يرحمك يا شيخ حمزة
الله يرحم الشيخ حمزة
اعتقد النصابين دو للسه عايشين وبيجولو الان فى كل انحاء مصر
لكن فين الشيخ حمزة
الله يرحمه
شكرا ع الطرقعة
خمسة فضفضة
وعليكم السلام ورحمة الله وبركاته
آمين .. أهو على الأقل فهم الدرس وحاول يعلمهولنا
______________________
آدم
أيه ياعم البوقين الجامدين دول
لكن صدقني ..ما أصعب أن تكون إمعه
_____________________
واحد مش فاهم حاجه
مش عارف .. يارب نكون اتعلمنا أي حاجه
نورت وشرفت
____________________
جمعاري
هع هع هع هع .. أهو قفا والسلام يا ريس
وطرقع طاااااااااااخ
______________________
آبي
معلش أنا عندي ألزهايمر
هو أنتي لسه ما عرفتيش...؟؟؟
ماشيه معاك يا عم .. والكويت كمان؟؟
سمعت ان الدينار عامل حداشر ونص
:))
:P
_______________________
قطة الصحراء
يا ستي ع الأقل الشيخ حمزه عرف غلطه واتعلم الدرس وحاول يفيد الناس الدور والباقي علينا احنا
ربك يستر
_________________________
بنت القمر
صادقه والله
المصيبه اننا انضحك علينا واحنا عارفين ومطنشين
____________________
انسانه
ههههههه الصوت لف حوالين الكره الأرضيه سبع مرات
وفضحيتنا بجلااااااااااااجل
نورتي
___________________
وائل
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يخرب بيت كده
ضحكتني وانا مش عاوز اضحك
___________________
والقادم أجمل
طب مادام عارف اللي فيها وناصح أوي كده
عرض قفاه ليه ... بيتكيف م السك ع القفا
يا شيخة قولي كلام غيرده
:)
__________________
شيماء سمير
العفو يا باشا
بس مش انا السبب
:)
_______________________
:D
yos3edona qera2et ur posts
aslan ana 7assa en e7na ba2eena 3ebaraa 3an Afa kbeeeeeeeeeeeeeeeeeeeeeeeerrrrrrrrrrrrrrrrrrrrrrrrrrrrrrrrrrr
kmaan the butterfly effect post 3agabny awee "-
الله يرحمه كان راجل طيييييييييييب
ازيك يا دكتور
اخبارك ايه
انا اسف ان بقالى فترة ما زورتش مدونتك
بس ن شاء الله مش هتتكرر
انا رجعت للتدوين تانى بموضوع عن نكبة فلسطين
وياريت تساعدنى فى الموضوع ده
عايزين ننشر الموضوع ده على مستوى كبير
بالنسبة للبوست
احنا اكيد كل يوم بناخد على قفانا
وان شاء الله طول ما مبارك ورجالته فى الحكم
يبقى تاكد ان القفا ممكن يكون 3 مرات فى اليوم
ومش بعيد ينزلوا اغنية محمود عبد العزيز فى المناهج الدراسية
سلاااااااااااااااااام يا دوك
سبيلز
وأنا كمان يسعدني قراءتك للمدونة
D:
_________________
سنووايت
آمين
بجد والله كان راجل طيب
ونفسه مانغلطش زيه زمان
الله يرحمه
____________________
دكتور كسلان
حمدالله ع السلامه يا بيه
كل ده كسل
أيه كنت نايم ولا أيه؟؟
ع العموم أعدنا رجوعك وصحصح معانا كده شويه
:))
___________________
___________
________
___
إرسال تعليق